NA AULA DE 4 ANOS

 Imos facéndonos maiores, xa temos 4 anos.

Parabéns Mateo, Nicole, Javier, Martiño e Max.

Como xa sabedes tódolos días facemos as rutinas diarias e este ano introducimos algúns cambios para que lles resulten motivadoras: unha delas é poñer o tempo con pompóns, contámolos e a final de mes facemos unha análise.

Tamén iniciamos o traballo específico de recantos. Establecimos 5 recantos no que traballan diferentes contidos e  ao longo da semana deben pasar por todos e realizar as tarefas asignadas a cada un.

Comezamos recordando as vogais e as letras dos seus nomes, traballamos a grafía, a conciencia fonolóxica e como non, xogamos con elas.

Como xa estamos en outono, falamos dos cambios de estación, traballamos o vocabulario e degustamos unhas saborosas uvas

Coa PDI traballamos praxias bucofaciais e exercicios cos dedos, temos que practicar moito. 

E, por último, desfrutamos moito do bo tempo no parque